ރަސްމާލެ ޕްރޮޖެކްޓެއް ނުހުއްޓޭ، ހުއްޓިފައި އޮތީ ބިން ހިއްކުން: މިނިސްޓަރ ޑރ. މުއްޠަލިބު
މިނިސްޓަރ ޑރ. މުއްޠަލިބު ވިދާޅުވީ، ރަސްމާލެ މަޝްރޫޢަކީ ބަޖެޓުގައި ހިމެނިފައިވާ މަޝްރޫޢަކަށް ނުވާތީ، އެމަޝްރޫޢުގެ ކަންކަން ބަލަހައްޓަމުންދަނީ، ކޮންސްޓްރަކްޝަން މިނިސްޓްރީން ނޫންކަމަށެވެ. މިނިސްޓަރ ޑރ. މުއްޠަލިބު ވިދާޅުވީ، ބިންހިއްކުމުގެ މަސައްކަތް ހުއްޓިފައި އޮތީ، ރަސްމާލެ ހިއްކުމަށް ވެލި ނެގުމަށް ކަނޑައެޅި ސަރަހައްދުން ވެލި ލިބެން ނެތުމުގެ ސަބަބުން ކަމަށެވެ. އެގޮތުން ރަސްމާލެ ހިއްކުމަށް ބޭނުންވާ ވެލި ނަގާނެ ތަނަކާއި ގުޅޭ ގޮތުން ދިރާސާކުރަމުންދާ ކަމުގައިވެސް މިނިސްޓަރ ވަނީ ވިދާޅުވެފައެވެ. މިނިސްޓަރ ޑރ. މުއްޠަލިބު ވިދާޅުވީ، ރަސްމާލެ ބިން ހިއްކުމުގެ މަޝްރޫޢު މިވަގުތައް ހުއްޓިފައި އޮތް ނަމަވެސް ބިންހިއްކުމަށް ބޭނުންވާ ސަރަހައްދުގެ ބަންޑްވޯލް އެޅުމުގެ މަސައްކަތް ހިނގަމުންދާކަމުގައި ވިދާޅުވިއެވެ.
